شويه تعاريف مهمة :D :D

تعــالوا نعرف بعض المفاهيم اللى بتلخبط فى عالم الويب والفروقات بينهم وهم :
- UX Designer
- UI Designer
- UI Developer
- Front End Developer
- Back End Developer
- Full Stack Developer

بسـم الله ... نمسك واحد واحد ونقول بيعمل ايه بالتفصيل باذن الله
1- الـ UX Designer
الراجل ده بيكون عنده شويه مهارات فى الديزاين وبيحب السرش الكتيير .. بيجمع المهارات
اللى عنده ديه عشان يوصل لحاجه واحده بـس .. انه يلـبى طلبات العميل فى افضل صورة
تكون مريحه ليه والعميل بيحبها .. يعنى بيراعى احتياجات العميل وازاى يخليه يوصل
للى هو عايزه من خلال اقصر الطرق واكبرها كفاءة
الراجل بعد ما بيعمل كل الحاجات ديه بيخرج بناتج نهائى وهو حاجه اسمها Wireframes
وده عبارة عن تصميم للموقع كله شكله بيكون ابيض واسود من غير اى الوان او اى حاجه
يادوب بيكون تصميم الموقع بصفحاته بكل اشكاله اللى بيكون اتفق مع العميل بيها
وده مثال على الـ wireframe بيكون بالشكل ده : https://goo.gl/MXTDuM
==================================================
2- الـ UI Designer
الراجل ده بقى بيستلم الـ wireframe من البرنس اللى قبله وبيكمل بقى على الشكل
انه بيشوف الالوان المناسبه والعناصر موجوده تمام ولا ويظبط المكونات بتاعه الموقع
كاملة ويقدر يستخدم الفوتوشوب فى الحوار ده عشان يطلع التصميم مظبوط بالالوان
ويكون فيه الروح كده بدل ما بيكون ابيض واسود والامثله على الشكل اللى بيطلع
بيكون اى موقع انت بتشوفه عادى على النت بس كشـكل من غير كود
=================================================
3- الـ UI Developer
الراجل الكريم ده بقى بياخد التصميم اللى صممه اللى قبله ويعمل ايه بقى يا باشا ؟
بيدأ يكود بقى الموقع باستخدام الـ HTML و CSS و JS وكده
=================================================
4- الـ Front End Developer
الراجل ده نفس الكلام بيكود الموقع باستخدام الـ html و Css و js وكده
=================================================
س : اومال ايه الفرق بقى يا عمنا بين ال UI Developer و Front End ؟؟
- بص يا ريس الفرق بسيط جداا وهو كالتالى :
الراجل UI Developer ده
- بيكون عنده اهتمااام اكبر بالـ HTML و CSS على حساب الـ JS ومكتباتها
- بيهتم اكتر هل الصورة موجوده بشكل كويس فى الموقع . هل الزراير مناسبه والونها كويسه - بيهتم بالتقنيات وال methodologies اللى هيا زى ال BEM و OOCSS و SMACSS
- بيشوفوا الموقع كأجزاء بمعنى ان كل صفحه جزء لوحدها مش كل الصفحات مترابطه ببعض وكمان مش بيهتم انه يخلص المشروع فى وقت معين لأ .. وقت ما يخلص عادى
الراجل الـ Fornt End بقى
- بيكون عنده اهتمام اكبر بالـ JS ومكتباتها وكمان بيهتم بBackbone.js, React.js
- بيهتم انه يخلص المشروع بتاعه فى وقت معين ومحدد
- بيشوف الموقع كجزء كامل بكل الصفحات يعنى بيشوف الصفحات كلها مترابطه ببعض
ككجزء واحد على عكس ال UI developer
- بيحلل كل اجزاء الموقع ويطور منه بحيث يوصله لافضل شكل مناسب ومريح للمستخدم
==================================================
5- الـ Back End Developer
الراجل ده بقى بيهتم بالجانب الغير مرئى من الموقع .. بالمعنى الادق اللى هو ماذا
يحدث وراء الكواليس .. كل الحاجات ديه الراجل ده اللى بيعمها.. شويه امثله
- مثلا لما تيجى تسجل الايميل والباسورد ازاى بيعرف ان هو انت ؟
ببساطه عن طريق ان فيه حاجه اسمها database مكان كده فيه كل الاسماء والباسوردات
اول ما بتدخل اسمك والباسورد يروح يقارنهم ويعرف ان ده انت مش ده حد تانى xD
- بيركز على ازاى يطور الموقع وازاى يأمنه Security بيهتم بيها
- بيسموه برده ال web Developer
- الـ Front يهتم بواجهه وشكل الموقع والـ Back يهتم بتطوير الموقع وتظبيط الامان
والداتا بيز والشغل ده
=================================================
6- الـ Full Stack Developer
الراجل ده بقى اللى فاهم كل حاجه بيجمع ما بين ال Front و Back
=================================================
أسال الله ان اكون قدمت ولو معلومه بسيطه مفيده فى التعريفات ديه وتكون مفهومه